Черетыште – 2020-2021 тунемме ий. Тиде гана тудым илышыштышт икымше гана школ лондемым вончышо-влак веле огыл, кугурак класслаште тунемше-шамычат, туныктышо да ача-ава-влакат изин-кугун вученыт.
Тений республикыште икымше гана парт коклаш 10 тӱжем утла ӱдыр-рвезе шинчеш. Туныктымо пашам 251 общеобразовательный организаций шукташ тӱҥалеш, чылаже 81359 тӱжем утла йочалан тунемаш кошташ йӧн ышталтын.
Каласыман, Марий Элым вуйлатыше Александр Евстифеевын кӱштымыж почеш, тений Шинчымаш кече вашеш социальный могырым кӱлешан тӧнежлаште уэш дезинфекций эртаралтын, у коронавирус инфекций ваштареш профилактике паша чыла тунемме верыште лийын, сандене чылажат сай лиеш манын ӱшаныме шуэш. А тунемше да туныктышо-влакым ме у тунемме ий дене саламлена да шинчымаш тӱняште сеҥымашым тыланена!
Г.КОЖЕВНИКОВА
