ПЕНСИЙ СОЦИАЛ ИЛЫШ

Мо вашталтеш?..

Социальный пенсий – кугыжаныш обеспечений шотышто пенсий. Тудо кугыжаныш бюджет гыч ойыралтеш да страховой пенсийым налаш правадыме еҥ-влаклан палемдалтеш.

2019 ий 1 январь гыч вийыш пурышо «Россий Федерацийын пенсийым палемдыме да тӱлымӧ шотышто посна законодательный актлашкыже вашталтышым пуртымо нерген» закон социальный пенсийыш лекме ийгот дене кылдалтше вашталтышым пуртен. Тудын дене келшышын, пашам ыштыдыме але страховой пенсийым налшашлан тичмаш стажым поген шуктыдымо граждан-влаклан социальный пенсий 60 (ӱдырамашлан) да 65 (пӧръеҥлан) ийым темымек огыл, а 65 да 70 ияш лиймек палемдалтеш.

Таче кечылан Марий Элыште шоҥгылык шотышто социальный пенсийым 59 еҥ налеш.

Тазалык начареммылан кӧра пашам ыштен кертдыме граждан-шамычын инвалидностьым налаш правашт уло, ВТЭК тидым пеҥгыдемда гын – инвалидность шотышто социальный пенсийым.

Палемдаш кӱлеш, инвалидность шотышто пенсий тичмашын аралалт кодеш. Пашам ыштен кертдыме граждан-влаклан инвалидностьым пуымеке, тудо ийготым шотыш налде палемдалтеш.

Ушештарена, 2019 ийыште шоҥгылык шотышто страховой пенсийым налшашлан 10 ий паша стаж да 16,2 балл кӱлыт.

М.ИВАНОВА.

Опубликовать в Одноклассники

Добавить комментарий