Акций
«Вашкеполыш» машиналан корным пу!
ГИБДД виктем ден Йошкар-Оласе вашкеполыш станций рӱдолаште «Вашкеполышым» колто!» спецмероприятийым эртарат.
Акцийын цельже – автомобилист-влакын тӱткышыштым оперативный службо машина-влаклан корным пуымылан ойыраш да спецсигнал дене кудалше «вашкеполыш» машиналан корным пуыдымо фактым рашемдаш.
2016 ийыште Марий Элыште азапыш логалшылан медицине полышым пуаш кудалше да черлым эмлыме верыш наҥгайыше машина дене кылдалтше куд корно-транспорт происшествийым регистрироватлыме, тыгодым шым еҥ сусырген.
Корнышто лийше тыгай сынан азап тӱҥ шотышто водитель-влакын спецсигнал дене кудалше машиналанан корным пуыдымыштлан кӧра лийын.
М.ИВАНОВА.
