12 апрельыште Йошкар-Оласе «Арена» манежыште 2006 ийыште шочшо рвезе-влакын командышт коклаште футбол дене межрегиональный турнир иктешлалтын.
Участник-шамыч Йошкар-Ола ден Шернур посёлко гычат лийыныт. «Шернур» футбол клуб (тренерышт В.Пидалин) кумшо верым сеҥен налын. Вич вашлиймаш гыч кокытыштыжо ончыко лектын, ик команде дене ничьям ыштен. Пытартыш матчыште Шернур гыч футболист-влак Нижний Новгород гыч «Маринс Групп» командым 16:1 счёт дене сеҥен.
Икымше верым Дзержинск ола гыч «Химик» налын. Йошкар-Ола гыч «СШОР» ший призёр лийын.
Турнирын эн сай нападающийжым, Шернур район гыч Павел Калининым, палемденыт.
Е.Эшкинина.
