СПОРТ

Шарнымаш таҥасымаш

22-24 ноябрьыште Йошкар-Оласе «Юбилейный» спорт комплексыште Российын Геройжо гвардий подполковник Марк Евтюхиным шарныме лӱмеш бокс дене турнир эртен. Тыгак тудо Чечня сарысе 104-ше парашютно-десантный полкын 6-шо ротыжын подвигшылан пӧлеклалтын.

Йӱлаш пурышо таҥасымашке республикнан тўрлє кундемже гыч 140 утла спортсмен чумырген. Поснак Волжский, Звенигово, Медведево, Советский районла, Волжск, Козьмодемьянск, Звенигово олала гыч боксёр-шамыч тале кучедалмашым ончыктеныт.

Ончаш толшо-влакат ятырак лийыныт. Рингыш, ийготым да нелытым шотыш налын, мужыр почеш мужыр лектыныт. Тренерыштат тургыжланеныт. Иктыштлан тренировко семын лийын гын, южышт икымше гана рингыш лектыныт. Нунылан опытым погаш – сай йӧн.

Турнирын организаторжо-влак – «Десантник-влакын ушемышт» МОО МРО, Марий Элысе бокс федераций, «6-шо ротым шарныме лӱмеш» фонд.

Сеҥыше ден призёр-влакым молодёжный политике, спорт да туризм министр Л.Батюкова, М.Евтюхинын шольыжо Игорь Николаевич, Афганистанысе боевой действийын участникше М.Фаткуллин, Марий Элысе бокс федерацийын  президентше Э.Якаев саламленыт.

Команде-влак коклаште икымше верыш олимпийский резерв спорт школын (тренерже В.Туев) воспитанникше-влак лектыныт.

Е.Эшкинина.

          

Опубликовать в Одноклассники

Добавить комментарий