2 апрельыште Тюменьыште ечызе-влак элнан чемпионатыштыже, ты гана эстафетыште, вийыштым тергеныт. Ӱдырамаш команде-влак коклаште Тюмень областьын сборныйжо ончыко лектын. Ты областьын чапшым Марий Эл гыч Екатерина Смирнова арала. О.Кучерук, Т.Сорина, А.Грухвина дене пырля марий ӱдыр эстафетыште эше ик гана чемпион лўмым сулен налын.
Кокымшо верыште пошкудо Татарстан гыч, а кумшышто Сибирь да Дальневосток федерал округла гыч команде-влак лийыныт.
Куанен палемдыман, Медведево район гыч Екатерина 30 километрыште, бронзо медальым сеҥен налын. Икымше верым Пермь край гыч М.Истомина, кокымшым Москва ден Санкт-Петербургын чапыштым аралыше А.Рыгалина налыныт. Ӱдыр-влак классике йєн дене таҥасеныт. Шокшын саламлена ечызе-влакым да пеҥгыде тазалыкым тыланена.
Е. ЭШКИНИНА
