АКЦИЙ КОНКУРСЫ САМЫРЫК ТУКЫМ

Медик волонтёр кажне лийын кертеш

Россмолодёжьын эртарыме грант конкурсышто сеҥыше-влакын лӱмышт пале. Марий Эл гыч ончыко Евгений Степанов лектын. Самырык рвезе «Медик волонтёр-влак деч икымше полыш школ» проектшым илышыш шыҥдарашлан кумшӱдӧ тӱжемым налын.

«Икымше полыш школ Йошкар-Олаште икмыняр ий эртаралтеш. Кызытеш ме кандашымше курсым мучашлыме. Тушто кузе шке кумылын икымше полышым пуыман каласкалена. Тыгак психологий могырымат эҥертышым ышташ туныктена. Тидлан республикысе МЧС-ым да ты организацийыште медико-психологический полышым пуышо отделын вуйлатышыжын алмаштышыжым Татьяна Исаевам поснак тауштем.

Конкурсышто налме шийвундо дене ме  роскот материалам, у, кызытсе кечылан келшен толшо оборудований-влакым, тунеммаште кучылташ кӱлешан маникен-влакым налына.

Мемнан деке кажныже ушнен кертеш. Тидлан координаторна Камилла Икрамова дене вашкылым ыштыман. Тыгак ВКонтакте соцкылыште лаштыкна уло. Тудо «Марий Эл Республикысе медик волонтёр-влак» маналтеш», – палемдыш Евгений.

О.МОШКИНА

Опубликовать в Одноклассники

Добавить комментарий