ЭКОНОМИКЕ

Марий Эл Республикыште ыштен лукмо сатум эн шуко могай элыш ужалена?

Пытартыш жапыште Марий Эл Республикыште ыштен лукмо сатум эн шуко могай элыш ужалена? А мемнан деке эн шуко кушеч шупшыктат?

Юл кундем таможньо виктемын увертарымыж почеш, тений январь-мартыште Марий Элын вес элла дене торгайыме оборотшо 151,8 миллион американ доллар лийын. Ӱмашсе тыгаяк жап дене таҥастараш гын, тудо 35,8 процентлан кугемын.

Экспорт – 129 миллион доллар (31,7 процентлан шукырак)

Импорт – 22, 5 миллион доллар (65,4 процентлан шукырак)

2018 ий январь-мартыште кундемна чылаже 64 эл дене торговльо да экономике кылым кучен.

Палемдыме жапыште Марий Элын экспорт шотышто тӱҥ партнёржо-влак лийыныт:

эл                   % (вес элыш ужален колтымо чумыр сату гыч)

 

Латвий         44,9

Эстоний       18,6

Беларусь       17,8

Казахстан      2,6

Китай             2,3

Германий      1,5

Иран              1,4

Украина        1,4

Италий          0,7

ОАЭ              0,7

моло эл         6,4

 

Импорт шотышто тӱҥ партнёр-шамыч

  эл                        % (вес эл гыч налме чумыр сату гыч)

 

Китай                20,3

Японий             18,3

Германий         14,2

Нидерланды     13,0

Италий              4,4

Франций           3,0

Австрий            2,6

Финляндий       1,7

Румыний           1,2

моло эл – 12,9 %

Эн шуко могай сатум ужален колтенна?

  %                                 сату

77,3         топливо-энергетике комплексын продукцийже

11,1         чодыра, целлюлоз-кагаз изделий

7,3          машиностроитель сату

2,6          кочкыш

1,0          кӱртньӧ да тудын дене ыштыме изделий

0,5          химий промышленностьын продукцийже

0,2          моло

 

Мом эн шуко налына?

%                                 сату

48,1                           машиностроений изделий

18,3                           кочкыш

15,3                           химий промышленностьын продукцийже

11,3                           кӱртньӧ да тудын дене ыштыме изделий

3,1                             чодыра, целлюлоз-кагаз продукций

2,2                             топливо-энергетике сату

0,9                             текстиль изделий, йолчием

0,8                             моло

 

Иктешлыме семын ойлаш гын, ончычсо семынак ик эн тӱҥ торговльо партнёрлан мӱндыр йот эл-влак шотлалтыт: Марий Эл гыч вес кундемыш ужалыме чумыр сату гыч 76,6 процентше лач тушко кая, а тушеч 92,4 процентше толеш. Мӱндыр йот элыш кундемна гыч шукыжым (80,9 процентше) топливо-энергетике комплексын изделийже ужалалтеш гын, тушеч Марий Эл эн шуко (47,4 процентым) машиностроенийын сатум налеш.

Г.Кожевникова.

Опубликовать в Одноклассники

Добавить комментарий