Регион-влак аграрий-шамыч марте 48,1 процент федеральный субсидийым намиен шуктеныт.
Россий Минсельхоз элнан агропромышленный комплексшылан кугыжаныш велым полшашлан бюджет ассигнованийым намиен шуктымо оперативный мониторингым эртара. Тудын 2020 ий 30 июльысо данныйже почеш, федеральный бюджет гыч регионлашке 125,9 млрд. теҥгем колтымо. Тиде суммо гыч регион-влак аграгрий-шамычлан 60,5 млрд. теҥгем, але чумыр средства гыч 48,1 процентым, намиен шуктеныт.
Бюджет ассигнованийым аграрий-влак марте намиен шуктымо шотышто Ненец автономный округ (91,1%), Марий Эл Республик (83,8%), Санкт-Петербург ола (79,2%), Киров область (78,5%), Мордва Республик (77,4%), Красноярский край (75,6%), Ямал-Ненец автономный округ (72,1%), Вологодский область (71,8%), Владимирский область (70,4%) ончылно каят, Еврей автономный область (8,7%) ден Ингуш Республик (11,1%) эн почеш кодыныт.
Кугыжаныш полышым ялозанлык сатум ыштен лукшо-влак марте намиен шуктымо йодышым Россий Минсельхоз контрольышто куча. Министерстве Российын субъектлажым да АПК виктемын регионысо органлажым вуйлатыше-влак дене аграрий-шамычлан средствам жапыштыже намиен шуктымо шотышто оперативный пашам эртара.
М.ИВАНОВА
