Тений кеҥежым республикыште тазалыкым пенгыдемдыме 193 организаций пашам ыштен. Нунын коклаште 17 – ола воктенсе стационарный лагерь, 171 – кечывалым лийме, 3 палатке лагерь да 2 йоча санаторий.
Тений 4 тӱжем наре тунемше республик деч ӧрдыжтӧ каналтен. Чылаже 55 тӱжем утла йоча, подростко да тунемше-влак тазалыкыштым пеҥгыдемденыт да каналтеныт.
Тений тазалыкым пеҥгыдемдыме кеҥежымсе учрежденийлаште инфекциян чер дене тӱшкан черланымаш палдырнен огыл. Пудий пурымо ик фактымат регистрироватлыме огыл.
Каныш пагытым иктешлымеке, 94,6% еҥын тазалыкше чотак пенгыдемме палдырнен, 4,9% еҥын тудо изишак пале лийын, 0,5 % ӱдыр-рвезын тиде йӧршын шижалтын огыл.
Л.Камалетдинова.
