УВЕР ЙОГЫН

Марий Элыште илыше-влак 10 миллион теҥгем налын кертыт

Тидланже Марий Эл Республикысе организаций-влаклан «Социальный предприниматель» конкурсыш ушнашышт кӱлеш.  

Тудым «Наше будущее» региональный социальный фонд социальный предпринимательстве сферысе проектым финансироватлыме, тыгак тудлан консалтинг да увер полышым пуымо шонымаш дене эртара. Конкурсышто коммерческий огыл да коммерческий организаций-шамыч участвоватлен кертыт.

11 ий пашам ыштымыж жапыште тиде фонд Российын 52 регионыштыжо чумыржо 499 миллион теҥгеаш 199 проектым илышыш пурташ полшен.

Конкурсыш йодмашым идалык мучко налыт. Сеҥышым кок этап дене рашемдат – кеҥежым да шыжым. 2018 ий 1 март деч вара йодмашым пуышо-влак коклаште сеҥышым шыжым увертарат.

2018 ий гыч конкурсыш икымше гана ушнышо предприниматель-шамыч 10 миллион наре теҥге кугыт займым налын кертыт.

Йодмаш ден бизнес-планым http://konkurs.nb-fund.ru сайтыште онлайн режим дене пуыман. Лекше йодышым 8 (800) 333-68-78 шокшо линий телефон дене 9 гыч 18 шагат марте але konkurs@nb-fund.ru электрон почто дене рашемдыман.

М.ИВАНОВА.

Опубликовать в Одноклассники

Добавить комментарий