Марий Элыште грипп дене черланыме икымше случайым регистрироватлыме. Черланыше еҥ Йошкар-Ола гыч, грипп дечын прививкым ыштыктен огыл.
Кодшо арнян ОРВИ дене кок тӱжем утла еҥ черланен, нунын коклаште – 1500 утла йоча. 126 черлым эмлымверыш пыштыме.
ОРВИ шарлыме деч Йошкар-Оласе ик школын ик классыштыже туныктымо да воспитатлыме пашам чарен шогалтыме.
Регионышто грипп дечын прививкым ыштыме кампаний умбакыже шуйна. Таче кечылан 279 243 еҥым вакцинироватлыме, тидыже республикыште илыше чумыр калык чот гыч – 40,8 процент.
М.ИВАНОВА.
