Икымше каналыште ончыктымо «Лучше всех!» шоу-програмым ямдылыше-влак кумылан икшыве-шамычым тушко ушнаш ӱжыт.
Организатор-влакын палемдымышт почеш, йоча-шамычлан чыла шотыштат сай, весела да куштылго лийже манын, нунын дене кугу команде пашам ышта. Тыгак ӱдыр-рвезе-шамычым Кугу театрыш, Москвасе консерваторийыш, Москвасе Кугу циркыш, Третьяковский галерейыш, «Голос» шоун педагогшо да кумдан палыме спортсмен-влак деке мастер-класслашке колтат. «Лучше всех!» шоуш ушнымылан оксам тӱлыман огыл. Чылажат ялт яра эртаралтеш.
Анкетым да видеовизиткым колтымо шотышто, тыгак лекше йодышым тыгай номер дене рашемдаш лиеш: +7 495 646-34-64, +7 903 141-26-94.
Л.Камалетдинова.