Республикысе корнылаште транспорт дене кудалышташ да йолын кошташ лӱдыкшырак лийже манын, тений республик кумдыкышто 1,3 тӱжем корно палым ешарен шогалтат.
«Марийскавтодор» ГКУ-н директоржо А.Аверинын мутшо мочеш, тений тыгак корно гоч йолешкылан вончаш лӱмын ыштыме корнан-корнан кӱкшакам индеш вере тӧрлаташ тӱҥалыт. Тылеч посна аварий чӱчкыдын лийме лӱдыкшӧ участкыште Т-7 светодиодный модулян 24 светофорым вераҥдат.
Корно озанлык пашаеҥ-шамыч идалык мучко 46 вере 605 километр участкыште корнысо палым тӧрлатен сӱретлаш тӱҥалыт.
Р.ЧЕПАКОВА
