Марий Эл вуйлатыше Александр Евстифеев Кремльыште Кугыжаныш советын элыштына конкуренцийым вияҥдаш полшымо шотышто Россий Федерацийын субъектше-влакын пашаштышт эн ончыч шуктышаш направлений йодыш дене заседанийыштыже лийын. Тудым Россий Президент Владимир Путин эртарен.
— Кугыжаныш да кучемын чыла органже-влак дене шуко кылдалтын, но деловой климатым, предпринимательствыште культурым да чын конкуренцийым ыштымаште бизнес шкежат кугу рольым модеш, — каласен Владимир Путин.
Тыгодым эл вуйлатыше шкан оксам ыштен налме нерген гына тургыжланыман огыл манын ешарен.
— Чын конкуренций – тиде элын экономический да технологический вияҥмашыжлан тӱҥ негыз, элын уэммаштыже, илышын тӱрлӧ сферыштыже ончыко чолган кайымаштыже ӱшанже, — палемден Владимир Путин.
Тыгак тудо кугыжаныш структур ден кугыжанышын ты пашашке ушнышо компаний-влак изи да кыдалаш бизнесым рынок гыч шӱкен луктыт да нунын верыштым айлат, тыге рынкым монополизироватлат. Тиде амал дене шке пашам тӱҥалаш кумыл йомеш манын ойлен.
Л.Камалетдинова.