Марий Эл Республик правительствын пунчалже дене келшышын, Марий Турек районысо рӱдӧ эмлымверлан тазалыкым аралыме пашаште кужу жап тыршыше пагалыме врач Вениамин Валентинович Свининын лӱмжым пуымо.
В.Свинин районысо рӱдӧ эмлымверын тӱҥ врачшылан кужу жап ыштен, Марий Эл Кугыжаныш Погынын 2-шо, 3-шо, 4-ше, 5-ше созывшо-влакын депутатше, Верховный Советын 12 созывшын депутатше лийын. Марий Турек районысо рӱдӧ эмлымверлан Россий Федерацийын да Марий Элын сулло врачшын лӱмжым пуаш больницын пашаче коллективше темлен. Тиде шонымаш дене Тазалыкым аралыме министерствын коллегийжат келшен.
2016 ий октябрьыште эмлымверыште тыгак Вениамин Свининлан мемориал оҥам почмо.
М.ИВАНОВА.
