Пӱртӱслан кумал илыше марий калыкна Ош Кугу Юмо деч серлагышым, шулыкым, чыла шотыштат перкан лияш манын, тудлан кумалтыш годым ончылгоч палемдыме йула почеш тӱрлӧ пурлык надырым пуа. Марий юмыйӱлаште комбо эре ик эн жаплыме пурлыклан шотлалтын. Тудо эсогыл оргамак дене тӧр шога. Таче марий онаеҥ-влак Василий Смирнов ден Вячеслав Актуганов Юмо радамлан тӱшкан погымо шийвундо дене налме могай пурлыкым (тӱҥ вольыкым) шогалтыме дене палдарат. Советский районышто кумалше-влакын темлымашышт почеш ямдылыме.
Тӱҥ Юмо
1. Тӱҥ Юмо – оргамак але комбо
2. Тӱҥ Юмын Аваже – шорык, ава лудо але комбо, але туна
3. Тӱҥ Юмын Пӱрышыжӧ – комбо
4. Тӱня Юмо – комбо
5. Кава Юмо – комбо
6. Ош Кече Ава – комбо
7. Тӱнямбал Серлагыш — комбо
8. Агавайрем Юмо – комбо але лудо
9. Вӱд Ава – лудо
10. Суксо Серлагыш – лудо
11. Витньызыже – лудо
Чылаже 11 шергинде да 11 пурлык чон лийшаш.
Мер Юмо
1. Мер Юмо – комбо але шорык
2. Мер Пӱрышӧ – комбо
3. Онжо – комбо
4. Мер Юмын Аваже – шорык але ава лудо
5. Пиямбар – лудо
6. Витньызыже – лудо
7. Суксо Серлагыш — лудо
8. Кугу Пӱрышӧ – узо комбо
9. Кӱрлӧ Пӱрышӧ – комбо
10. Эрге Пӱрышӧ – узо комбо
11. Пӱрышо Ава – шорык але ава лудо
12. Пиямбар — лудо
13. Витньызыже – лудо
14. Суксо Серлагыш — лудо
15. Пӱрышо Казначей – лудо
Чылаже 15 шергинде да 15 пурлык чон лийшаш.
Шочын Ава
Шочын Ава – ушкалаш презе але туна, але шорык
Илыш Шочынлан, Лулеге Шочынлан, Лулеге Серлагышлан, Лулеге Пӱрышылан, Суксо Серлагышлан, Витньызыжлан лудым пуат.
Чылаже 7 шергинде да 7 пурлык чон лийшаш.
Мланде Ава
1. Мланде Ава – шем шорык але шем ава комбо
2. Пӱрышӧ – лудо
3. Мланде Шочын – комбо
4. Суксо Серлагыш – лудо
5. Витньызыже – лудо
6. Перке Ава – шорык але шем ава комбо
7. Кинде Шочын – комбо
8. Суксыжо – лудо
9. Витньызыже — лудо
Чылаже 9 шергинде да 9 пурлык чон лийшаш.
Курык Кугыза
1. Курык Кугыза – оргамак але комбо
2. Пиямбарже – тага але ӱшкыж
3. Кӱвар кугыза – комбо але лудо
Чылаже 3 шергинде да 3 пурлык чон лийшаш.
У Торъял районысо марий юмыйӱла общинын юмырадамже:
Тӱҥ Ош Кугу Юмо
Агавайрем Юмо
Ош Кече Ава
Кава Юмо
Тӱня Юмо
Мер Кугу Юмо
Мардеж Ава
Кӱдырчӧ Юмо
Волгенче Юмо
Мланде Ава
Вӱд Ава
Мер Кугу Юмо
Онжо
Пӱрышыжӧ
Мер Кугу Юмын Аваже
Мер Кугу Юмын Пиямбарже
Кугу Шочын Ава
Илыш Шочын
Лулеге Шочын
Лулеге Пӱрышӧ
Лулеге Серлагыш
Кугу Пӱрышӧ
Кӱлдӧ Пӱрышӧ
Эрге Пӱрышӧ
Пӱрышӧ-шамычын Авашт
Пӱрышӧ-шамычын Пиямбарышт
Кугу Перке Ава
Кинде Илян
Кинде Юмо
Кинде Пӱрышӧ
Кинде Серлагыш
Мланде Ава
Мланде Илян
Мланде Юмо
Мланде Пӱрышӧ
Мланде Серлагыш
Поро Лемде
Курык Кугыза
Пиямбарже
С.НОСОВА
