КРАЕВЕДЕНИЙ

Марий-влак дене палдара

Каракулин районышто «Тропа двух культур» турист маршрут ынде икмыняр ий пашам ышта. Но пытартыш жапыште ты корно дене толын кошташ шонышо турист-влак палынак шукемыныт.

Маршрут тушто илыше марий калыкын йылмыже, тӱвыраже, чиемже, йӱлаже, кучылтмо арверже, кочкышыжо дене палдара. Экскурсий жапыште толшо-влак ик татлан тусо илыше-влакын илыш толкынышкышт логалыт. «Кувавайын шондыкшо» гыч лукмо вургемымат кучен,чиен ончен кертыт, марла кушташат, ыштыш-кучышлан тунемашат йӧн лиеш.

Ты кундемысе мотор вер-шӧрымат ончал савырнат. А тудыжо пеш сылне: Виче йоген эрта, олык тайылыште шуко памаш шыргыкта…

«Ныргындыш сем», «Вис-вис» ансамбль-влак «Пӧрт воктене» фольклор композиций гоч толшо-влакын кумылыштым нӧлтат, тӱрлӧ кочкыш-йӱыш дене сийлат, мурыктат, куштыктат, кидпашалан туныктат.

Турист маршрутым почмо верысе калыкланат ешартыш шийвундым ыштен налаш йӧным почын.

С.НОСОВА

Опубликовать в Одноклассники

Добавить комментарий