2020 ий декабрь кыдал марте республикнан районлаштыже «Здравоохранений» национальный проектын «Первичный медико-санитарный полышым пуымо системым вияҥдыман» регионысо проектшым илышыш пуртымо кышкарыште чоҥаш палемдыме 17 ФАП гыч шымытшым нӧлтен шуктымо. Тиде — Кужэҥер районысо Руш Кугунур селаште да Йывансола ялыште, Шернур районысо Зашижемье селаште, Волжский районысо Моркыял селаште, Медведево районысо Светлый посёлкышто, Кугу Ноля да Арбан яллаште.
Проект дене келшышын, ФАП-шамычым 100 гыч 2000 марте еҥан илемлаште нӧлтат.
Фельдшер-акушер пунктлашке шындаш палемдыме медицине оборудований ден мебельым налашлан 18 млн.утла теҥгеаш контрактым ыштыме. Тымарте 10,6 млн. теҥгем кучылтмо, тиде оксаш оборудованийым налме.
М.ИВАНОВА
