СПОРТ

Латвич километрыште – той медаль

Землякна, Медведево район гыч Екатерина Смирнова ече дене таҥасымаште (23 ияш марте) Российын первенствыштыже кумшо верым налын.

Екатерина кызыт Тюмень областьын, тыгак Марий Элын чапшым арала. Эртыше кечылаште Рыбинскыште тӱшка таҥасымаште вийжым терген, 15 километрым эрыкан йӧн дене куржын, бронзо медальын озаже лийын. Сеҥыше А.Рыгалина деч 4,9 секундлан почеш кодын, а ший призёр С.Заборская деч – улыжат 2,2 секундлан.

Эше ик гана палемдаш уто огыл: шукерте огыл Е.Смирновам XXIX тӱнямбал теле универсиадыш ойыреныт.

Е.Эшкинина.

Опубликовать в Одноклассники

Добавить комментарий