27 сентябрьыште Удмурт Республикын рӱдолаштыже, Ижевскыште, Юл кундем федеральный округын субъектше-влакын кугыжаныш кучемыштын законодательный (представительный) органыштын Ассоциацийыштын 54-ше заседанийже лийын. Тудым ассоциацийын координаторжо – Пенза областьын Законодательный Собранийжын председательже — Валерий Лидин эртарен.
Ассоцицийын пашашкыже Юл кундем федеральный округышто Россий Федерацийын президентшын полномочный представительжын полышкалышыже Алексей Симонов, Удмурт Республикын Кугыжаныш Советшын председательже Алексей Прасолов, округысо регион-влакын законодательный органыштын вуйлатышышт – ПФО-н законодательже-влак ассоциацийын еҥже-шамыч, Удмурт Республикын правительствыжын еҥже-влак ушненыт. Марий Эл деч заседанийыште республикын Кугыжаныш Погынжын председательжын алмаштышыже Ольга Цветкова миен.
Россий президентын Юл кундем федеральный округышто полномочный прдставительже Игорь Комаровын лӱмжӧ дене Алексей Симонов ассоциацийын еҥже-влаклан пайдалын да келшен пашам ыштымыштлан тауштен да тидыже округысо регионлаште правовой кумдыкым вияҥдаш полша манын палемден.
— Лишыл жапыште ыштышаш тӱҥ паша – Россий президентын тений 7 майыште лукмо указшым илышыш пуртымаш. Президентын палемдыме 12 тӱҥ направлений-влак национальный проект семын илышыш шыҥдаралташ тӱҥалыт. А тидым шуктымаш кӱлеш нормативно-правовой базым жапыштыже ыштыме дене кылдалтеш.
Пленарный заседанийыште ПФО-н регионжо-влакын законодательышт Удмурт Республикын примерже негызеш кугыеҥ ден инвалид икшыве-влак дене кылдалтше пӱсӧ йодыш-влакым каҥашеныт. Кокымшо йодыш бюджет законодательствым саемдыме нерген лийын. Тиддеч посна Мордва Республикын Кугыжаныш Погынжын «РФ Градостроительный кодексын 55.5-1 статьяшкыже вашталтышым пуртымо нерген» федеральный законын проектше нерген законодательный инициативыжым онченыт. Тыгак Удмурт Республикын «Сарапул ола» муниципал образованийже ден Татарстан Республикын Елабуга олаже коклаште вашкелшыкым ыштыме нерген ойпидышым подписатленыт.
Ассоциацийын пашажын иктешлымашыж дене келшышын, Россий Кугыжаныш Думылан, правительствылан, Россий Федерацийын субъектше-влакын профильный федеральный министерствыже-влаклан, исполнительный да законодательный кучемже-влакын органыштлан темлымашым ямдыленыт.
Тиде кечынак Ассоциацийын 54-ше заседанийжын участникше-влак Удмурт Республикысе икмыняр кугурак социальный объектыште лийыныт.
Л.Камалетдинова.
