Кӱзым ыштыше тале кидмастар Валерий Ермаков дене мастерскойыштыжо вашлийын мутланышна. Валерий Анатольевич Йошкар-Олаште шочын-кушкын. Кидмастар шым ияшак изи кӱзым, рельсыш пыштен, пуда гыч ыштен. А 10 ий ончыч профессионал семын тапташ тӱҥалын. В.Ермаковын ыштыме кӱзыжӧ куткымат ушештара.. Кок тӱран кӱзыжӧ «Кутко», «Термит», «Фиксики» лӱман улыт, тылеч посна кӱзым шумаш ӱзгарым, тыгак кугезе марий сарзе-влакын кӱзыштым ушештарышымат ышта.
Кидмастарын пашажым аклыше-влак ятырын улыт. Нуным Москошто «Клинок» Российысе выставкыште ончыктен.
М.СКОБЕЛЕВ.
Авторын фотожо