Морко районын прокуратуржо вуйшиймаш почеш кундем гоч Кужэҥер район велкылашуйнышо республик кӱкшытан Морко – Руш Кугунур корно пӱчкышын начар улмыжым терген.
Иктешлымаш почеш, ты корно кудалышташ ок йӧрӧ, автомашина-влаклан кугу лӱдыкшым луктеш. Корно мучко лакыла, шелышталт пытен, шуко вере шинчын, кеч-могай татыште азапыш пуртен кертеш.
Ты автомобиль корным «Марийскавтодор» ГКУ куча. Но учреждений корнышто кудалыштме лӱдыкшым кораҥдыме шотышто законодательствым ок шукто. Сандене Морко районын прокуроржо Йошкар-Оласе судыш исковой йодмаш дене лектын. Суд учрежденийлан участкым тӧрлаташ да кудалышташ йӧршым ышташ кӱштен.
А.АНДРЕЕВ.
