26 июньышто Российын президентше Владимир Путин Москваште Кугыжаныш Советын заседанийжым эртарен. Тудын пашаштыже Марий Эл Республикым Ввуйлатыше Александр Евстифеев участвоватлен.
Заседанийыште корно сетьым вияҥдыме да корнышто лӱдыкшӧ деч посна кошташ йӧным ыштыме йодышым каҥашыме. Тушто тыгак корным ыштыме пашан пайдалыкшым кугемдымашке, олмыктымо пашан качествыжым саемдымашке, корным шот дене кучымашке да корнышто коштмым моштен виктарен колтымашке виктаралтше ятыр ойым ончымо.
Пытартыш ныл ий жапыште Российыште эн сай категориян корнын чумыр кужытшо 2 тӱжем утла километрлан ешаралтын. Тыгайышкыже тӱҥ шотышто федеральный трассыла кӱшеш шумо. Ты годымак элыште начар каечстван корно ондакысе семынак шуко, палемден Владимир Путин.
Элым вуйлатыше кугу нелытан машина-влакын коштмыштым пайдалын тєрлен шогаш ӱжын, корныласе лӱдыкшӧ верлаште видеоэскерымаш камер-влакым ида шылте, вет нуным корнылаште сусыргымым шагалемдышашлан да еҥ-влакын илышыштым арален кодышашлан шындыме, палемден Владимир Путин.
Пытартыш кок ийыште Марий Элыште 119,73 км корным олмыктымо, тышеч 48,97 километрже – федеральный, 41,19 километрже – региональный да межмуниципальный значениян, 29,57 километрже верысе кӱлешлыкан корно.
Тений «Лӱдыкшыдымє да сай качестван автомобиль корно» национальный проект почеш республикын бюджетшылан федеральный бюджет гыч 2 миллиард утла теҥгем ойырымо. Нацпроект дене келшышын, тений Марий Элыште 119,2 километр республиканский да верысе значениян корным олмыкташ палемдалтеш.
Марий Элым вуйлатышын организаций да аналитике виктемжын уверже негызеш П.Шакиров ямдылен
