6 майыште Э.Сапаев лӱмеш опер да балет академический театрыште Кугече концерт эртен.
Тушто Пӱтынь республикысе марий йоча хор театрысе симфонический оркестр почеш мурен. Оркестрын дирижёржо — Марий Эл Кугыжаныш премийын лауреатше Григорий Архипов. А хорым Оксана Нехаева дирижироватлен.
Концерт программыште Юмылан пӧлеклалтше да патриотизм шӱлышан муро-влак лийыныт. Зал кажныжым шокшо кидсовыш дене вашлийын, «Браво!» манын кычкырен.
Концертыште тӱвыра, печать да калык-влакын пашашт шотышто министр Константин Иванов, Марий Элын да Йошкар-Олан архиепископшо Иоанн лийыныт. Архиепископ Иоанн сценыш лекмекыже, «Христос ылыжын!» манын кум гана ойлыш. Ваштарешыже меат, залыште шинчыше-влак, «Товатат ылыжын!» манынна. Варажым тудо илышын ик эн шерге пӧлекшылан, икшыве-влаклан, волгыдо илышым да чыла сайым тыланыш.
Культур министр Константин Ивановын палемдымыж почеш, пайрем концерт деч шийвундо Марий йоча хорым вияҥдаш кучылталтеш.
А.Байкова
М.Скобелевын фотожо.
