КУЛЬТУР ДА ИСКУССТВО

Кобзонын мурыжым мурат

19-21 июльышто Киров областьысе Башарово селаште «Гринландий» авторский муро XXXVI фестиваль лиеш.

Тудо Российыште ик эн кӱлешан музыкальный форумлан шотлалтеш. Проект патриотизм шӱлышеш кушкаш, Шочмо элым, ешым йӧраташ, кугезе тукымын сеҥымашыжым аклаш туныкта. Тений тудо икымше гана Президент грант полшымо дене эрта.

Фестивальын заочный конкурсшо «Я люблю тебя, жизнь…» девиз дене эрта. Иосиф Кобзонын мурыж гыч арам огыл тиде корным налыныт: 2018 ийыште фестивальлан Иосиф Кобзонын лӱмжым пуэныт. Сандене тений конкурсыш ушнышо-влак коклаште тудын мурыжым эн сайын йоҥгалтарышым ойыраш тӱҥалыт.

Мероприятий нерген тичмаш уверым тыгай адрес почеш пален налаш лиеш: http://www.grinlandia.ru

 

А.БАЙКОВА

Опубликовать в Одноклассники

Добавить комментарий