«Марийцы Карелии» национальный обществым вуйлатыше Михаил Асессоровым Российыште калык кокласе ласка илышым да келшымашым пеҥгыдемден да арален толмыжлан Кугыжаныш Думын Калык-влак паша шотышто комитетшын Тауштымашыж дене палемденыт.
М.Асессоров Курык марий кундемыште шочын-кушкын. Но пӱрымаш тудым мӱндыр Карелийыш наҥгаен. Ынде ятыр ий тусо марий-влакым ушышо организацийым вуйлата.
«Многонациональная Карелия» кугыжаныш-мер иницитиве почеш эртаралтше проектышкат кажне ийын ушна. Тидын шотыштак школллаште тунемше-влак дене вашлиймаш-влакым эртара, марий тӱвыра, йӱла нерген, тыгак Кугу Отечественный сар годым совет калыкнан сеҥымашыже нерген каласкала. Марий тӱвыра дене палдарыше пайрем кас, концерт-влакым ты организаций чӱчкыдынак эртара. Тушко вес калык гыч лекше-шамычат ончаш коштыт.
М.Асессоровын тыгай наградыж дене палемдалтме дене тудым Карелийысе национальный да региональный политике министерстват саламлен.
Снимкыште: М.Асессоров
С.НОСОВА