Марий Элысе коммерческий огыл организаций-влак президент грантым налыныт.
Президент грант-влакын фондшо гражданский обществым 2018 ийыште вияҥдашлан Россий Федераций Президентын грантшылан кокымшо конкурсым иктешлен. Ты гана президент грантым 2022 проект налын, тышечын кандашыже – Марий Эл гыч.
Сеҥыше-влак радамыш логалыныт:
— инвалид йочан еш-влаклан полшышо «Раскрась мир» мер организаций;
— Йошкар-Оласе йоча да подростко-влакын «Радуга» ушемышт;
— граждан-влаклан да нунын ешыштлан права шотышто полшышо «Наша инициатива» автономный организаций;
— Марий Эл Республикын Марий тӱр рӱдерже;
— «Интеллектуал» тӱвыра да увер рӱдер;
— теҥыз толкынлан вияҥаш полшышо «Паллада» парус клуб;
— шуко шочшан еш-влакын праваштым да закон дене келшыше интересыштым аралаш полшышо «Большая семья» мер организаций;
— «Мы – региону» социально-просветительский организаций.
Президент грант-влак фондын регионысо проект-влакым финансироватлыме чумыр кугытшо 13 миллион утла теҥгеш шуын.
Ушештарена, 2018 ийыште гражданский обществым вияҥдашлан Россий Федераций Президентын грантшылан кок конкурс эртен. Чылаже 3573 проектым илышыш пурташ полшымо. Грант-влакын чумыр суммышт 7,8 млрд. теҥгеш шуын.
Кок конкурсым иктешлыме почеш, Марий Элын 19 социальный проектшым сайлан шотлымо.
М.ИВАНОВА.
