«Земский туныктышо» федеральный программе почеш ӱмаште республикысе 7 школыш туныктышо-влак пашаш толыныт.
2025 ийлан Марий Эллан 9 квото ойыралтын. Конкурсын иктешлымашыже почеш земский туныктышо-влак Курыкмарий, Звенигово, Медведево да Советский районласе Малый Сундырь-Шындырйал, Красноволжский, Звенигово оласе 1-ше ден 3-шо №-ан, Руэм, Шнаран да Советский посёлкысо 3-шо №-ан школлаште тыршат.
«Земский туныктышо» программе почеш 2026 ийлан мемнан республиклан 10 квотым ойырымо.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
