Марий Эл Кугыжаныш Погынын председательже Анатолий Смирнов «Единый Россий» всероссийский политический партийым ыштымылан 19 ий теммылан пӧлеклалтше Граждан-влакым приниматлыме декаде кышкарыште калыкын вуйшиймашыж ден тургыжландарыше йодышыжо-влакым телефон дене лончылен.
Обращений-влак тӱрлӧ лийыныт. Мутлан, Йошкар-Оласе 5-ше №-ан поликлинике (травмпункт) верланыме пӧртыштӧ илыше-влак рентген кабинетыш черет кужу улмылан кӧра черле-шамычын кудывечыште погынымышт нерген тургыжланен каласкаленыт да лӱдыкшыдымылыкышт шотышто ешартыш мерым ышташ йодыныт. Ик еҥ психически черлым эмлымверыш пышташ полшаш сӧрвален. Республикыште илыше-влак тыгак тунемшым шинчымашым пуымо ик организаций гыч весыш кусараш йӧным ышташ йодыныт. Ялыште оҥам шолыштмо шотыштат вуйым шийше лектын. Поснак илыме-коммунал услугылан тӱлымӧ радам нерген умылкалыше-шамыч шукын лийыныт.
— Приём годым пуымо шуко йодышлан вигак вашештыме. Но южо вуйшиймашым тергаш да шымлаш кӱлеш – нунын шотышто вашмут палемдыме жапыште лиеш, — увертарат Марий Эл Кугыжаныш Погынын пресс-службыштыжо.
Обращений-влак тӱрлӧ лийыныт. Мутлан, Йошкар-Оласе 5-ше №-ан поликлинике (травмпункт) верланыме пӧртыштӧ илыше-влак рентген кабинетыш черет кужу улмылан кӧра черле-шамычын кудывечыште погынымышт нерген тургыжланен каласкаленыт да лӱдыкшыдымылыкышт шотышто ешартыш мерым ышташ йодыныт. Ик еҥ психически черлым эмлымверыш пышташ полшаш сӧрвален. Республикыште илыше-влак тыгак тунемшым шинчымашым пуымо ик организаций гыч весыш кусараш йӧным ышташ йодыныт. Ялыште оҥам шолыштмо шотыштат вуйым шийше лектын. Поснак илыме-коммунал услугылан тӱлымӧ радам нерген умылкалыше-шамыч шукын лийыныт.
— Приём годым пуымо шуко йодышлан вигак вашештыме. Но южо вуйшиймашым тергаш да шымлаш кӱлеш – нунын шотышто вашмут палемдыме жапыште лиеш, — увертарат Марий Эл Кугыжаныш Погынын пресс-службыштыжо.
М.ИВАНОВА
