«Рӱдӧ да Юл кундем Россеть Мариэнерго» тений электролиний меҥгылаште кайыкым аралыме 1284 устройствым шында.
Тидыже экологий лӱдыкшыдымылыкым шуктен толмо да пӱртӱс поянлыкым пайдалын кучылтмо программе дене келшышын ышталтеш. Кайыкым электроток деч аралымат тышкак пура.
Тачысе кечылан республикыштына 6-110 киловольт куатан линийлаште кайыкым аралыме 26202 устройствым вераҥдыме. Тыгай аралтышым кайык шуко чоҥештылме да погынымо кундемлаште шындат. Аралыше модуль лывырге вӱдылтыш йымалне лиеш да меҥге тура пеҥгыдемдалтеш.
Тылеч посна 6-10 киловольт куатан линийлаште чара воштыр изолироватлыме дене алмашталтеш. Тидат сетьым лӱдыкшыдымым ышта да илыше тӱням аралымаште полша.
Электромеҥге тура линийыш шичше кайык ток дене колен кертеш да эше электросетьын пашаштыже технологий кӱрылтыш лийын сеҥа. Сандене филиалыште ынде лу ий утла линийлаште кайыкым аралыме устройство
вераҥдалтеш, палемден «Рӱдӧ да Юл кундем Россеть» генеральный директор алмаштышын – «Мариэнерго» филиал директорын сомылжым шуктышо Сергей Хлусов.
Ю.ИСАКОВ
