УВЕР ЙОГЫН

Кажныж верч тургыжланена

Марий Элын Тазалыкым аралыме министерствыжын увертарымыж почеш, 12 апрель эрдене Йошкар-Оласе больницын инфекционный отделенийыштыже 80 еҥ эмлалтын. Ты чот гыч 30 пациент неле состоянийыште, 49 черлын тазалыкшым «нелылыкын кокла йыжыҥже» семын аклат, иктыным – «нелылыкын куштылго йыжыҥже» семын.
Кок пациент шодым искусственно вентилироватлыме йӧн дене шӱла, 45 еҥлан кислород кӱлеш.
Йоча республиканский клинический больницыште кум икшыве эмлалтеш. Изи пациент-влак шкеныштым сайын шижыт.
Звенигово районысо рӱдӧ больницыште эмлалтше у коронавирус инфекциян пациентат шкенжым сайын шижеш.
Медведево районысо рӱдӧ больницын коронавирусан пациент-влаклан хирургический да акушерско-гинекологический профилян медицине полышым пуымо отделенийыштже кок пациент кия. Врач-влак нунын тазалыкыштым «нелылыкын кокла йыжыҥже» семын аклат.

М.ИВАНОВА

Опубликовать в Одноклассники

Добавить комментарий