Кугыжаныш Думо пытартыш лудмашыштыже цифровой трудовой книжкашке вончымо нерген законын проектшым пеҥгыдемден.
2021 ий январь гыч пашам пуышо кажне пашаеҥын пашаже да стажше нерген уверым электрон йӧн дене пеҥгыдемден кертеш. Чыла тиде Пенсий фондыш онлайн-режим дене толеш.
Пашаеҥ кагаз трудовой книжкажым арален кодаш праван. Пашашке икымше гана пурышо-влаклан кагаз трудовой книжкам огыт поч.
Кугыжаныш Думын спикерже Вячеслав Володинын мутшо почеш, электрон трудовой книжка уто паша деч кораҥда, а стаж нерген увер сайынрак аралыме лиеш.
Тыгай вашталтыш дене лишыл жапыште 60 миллион утла еҥ тӱкна.
М.ИВАНОВА
