16 июнь – 533 участковый избирательный комиссийын икымше паша кечыже.
1 июльышто Россий Федерацийын Конституцийышкыже вашталтышым пуртымо шотышто кӧ илыме вер шот дене шке участкыштыже огыл, а вес вере йӱклаш шона гын, тидын нерген йодмашым участковый избирательный комиссийлашке лач ты кече гыч тӱҥалын 21 июнь марте пуаш лиеш.
Ушештарена: общероссийский йӱклымашке 1 июльышто веле огыл ушнаш лиеш, тидым 25 гыч 30 июнь мартеат ышташ йӧн пуалтеш. Тидыже ик верыште иканаште шуко еҥ ынже погыно, а тыге гын, йӱклышӧ-влакын тазалыкыштлан лӱдыкшӧ ынже лий манме шонымаш дене темлалтеш. Тыгак иканаште шуко еҥ йӱклаш толеш гын, нунылан ик омса гыч пураш да весе гыч лекташ йӧным ыштат.
Тӱрлӧ амаллан кӧра кӧ мӧҥгыж гыч лектын огеш керт, но йӱклынеже, нуно йодмашыштым участковый комиссийыш йыҥгыртен, лишыл еҥышт але волонтёр-шамыч гоч каласен кертыт. Тыгак «Кугыжаныш услуго» портал гоч тидым ышташ лиеш.
25 гыч 30 июнь марте участковый комиссий-влак могай илемыште йӱклаш пӧлем уке, тушко, тыгак пӧрт воктенысе кумдыклашке миен, йӱклымашым эртарен кертыт.
Общероссийский йӱклымаш шотышто иктаж йодышда лектеш гын, Россий ЦИК-ын Информационно-справочный рӱдерышкыже тыгай номер дене йыҥгыртен, рашемден кертыда: 8-800-200-00-20.
Л.КАМАЛЕТДИНОВА
