Йырвелым тӱзатыме шотышто йӱклымашке волонтёр семын ушнаш лиеш. Тидлан 22 март марте dobro. ru сайтыш пурен йодмашым колтыман.
Шке кумылын поро пашам ышташ келшыше-влакын полышышт 26 апрель гыч 30 май марте кӱлыт. Нуно ты проектыште ончыко лекше вер-влак нерген калыкым палдараш, йӱклымаште, нелылык лектеш гын, полшаш тӱҥалыт. Марий Элыште тиде пашам шукташлан штаб-влак Йошкар-Ола, Козьмодемьянск да Волжск олалаште улыт.
О.МОШКИНА
