САМЫРЫК ТУКЫМ

Воштылмаш ӱмырым шуя

     Оҥай персонажым шонен муын, шуко блогер мыскара видео-влакым сниматла. Тыгай сынан видео сӱрет-влак жапым эртараш, кумылым нöлташ пеш пайдале.

       Шукерте огыл интернетыште «Юледур гыч Качыри бавайын» лаштыкшым верештым. Ялысе кован олаш уналкеш толмыжо да самоизоляцийыш логалмыже шыргыжаш таратыш. Ковай квартирыште кече мучко шинча, вет уремыш лекташ ок лий. Тыге, йокрок ынже лий манын, блогым вӱдаш тӱҥалеш.

       Тыгай шонымаш Шкетан театрын артистше Екатерина Александрован «шочын»:

 «Шке лишыл еҥ-влак коклаште чӱчкыдын ковайын рольжым модам. Мый шкеже Кужеҥэр район Йӱледӱр гыч улам, садлан ковайым тыге лӱмденам. Икымше видеом лукмеке, ончышо-влак мом ойлат манын шоненам, тургыжланенам. Но калык пеш шокшын вашлие. «Кунам у серий лектеш манын йодын», серышым возаш тӱҥале. Мо умбакыже лиеш, мужедаш ом тӱҥал. Кызыт кумыл уло ролик-шамычым шуяш».

Таче кечылан Качери кован (kacheri_bavai) Инстаграм лаштыкштыже тӱжем наре йолташыже уло. Тыландат тушко пураш да ончалаш темлена. 

О.МОШКИНА

Опубликовать в Одноклассники

Добавить комментарий