Туту.ру корныш лектын коштмо да путешествий сервис ««скульпТУТУры» всероссийский конкурсышто финалыш лекше-влакым – элнан эн ойыртемалтше памятникше ден скульптурыжо-влакым – палемда.
Йӱклымаш ноябрь мучаште эртен. Марий Элыште илыше-шамычын тыршымышт дене республик гыч темлалтше кок шарныктыш гыч иктыже – «Йошкин пырыс» – тушко лектын кертын, 22,9 процент йӱкым поген.
Организатор-влакын ойлымышт почеш, кызытеш финалыш лекше лу шарныктыш коклаште кудытшо раш, «Йошкин пырысна» ты радамыштак. А теве «Й» буквалан памятниклан ойыртемалташ йӱкна ситен огыл.
С.НОСОВА
