ИСТОРИЙ ЙОШКАР-ОЛА УВЕР ЙОГЫН

Купеч Булыгинын пӧртшӧ

Йошкар-Олаште купеч Булыгинын пӧртшым арален кодымо шотышто шанче-проект кагаз паша шукталтеш. Паша кугу да, манмыла, кӱжгӧ.
Турист-влаклан олам ончыктен коштыктымышт годым экскурсовод-влак купеч особняк-влак нерген каласкалышыштла Булыгинын пӧртшымат нигунам ӧрдыжеш огыт кодо. Тудым 1835 ийыштак чоҥымо гынат, ту пагытлан келшыше ойыртемалтше тӱжвал тӱсшӧ шинчалан вик перна, историйжат поян. Арам огыл ты пӧрт тӱвыра поянлыклан шотлалтеш.
Тыгай сынан объект-влакым арален кодымашке ола администраций икымше гана мелын савырнен. Уэмден ышташ документацийым ямдылаш олан казнаж гыч 5 миллион теҥге ойыралтеш, тылеч посна олмыктымо пашажым шукташ эше шӱдӧ миллион наре кӱлеш. Сандене федерал программылашке ушнаш перна, ӱшан уло, вет 2022 ий Калык тӱвыра поянлыкын идалыкше семын увертаралтын.

Л.СЕМЕНОВА

Фотом интернет гыч налме.

Опубликовать в Одноклассники

Добавить комментарий