Тиде кечылаште Йошкар-Оласе Машиностроитель ден Подольский курсант-влак урем-шамыч ушнымаште пограничный меҥгым шогалтеныт.
Тудым Россий чек пелен шогалтыме моло меҥге семынак ыштыме. Меҥгым шогалтыме вержым амал деч посна огыл ойырен налыныт. Тений тушто «Застава» ветеран пограничник-влакын мер организацийышт Ачамландым аралыше-влаклан шарныктышым шогалтышаш. Тудо Российысе погранвойскан 100 ияш лӱмгечыжлан пӧлеклалтеш. Меҥгым шогалтыме деч ончыч ветеран пограничник-влак ты кумдыкым эрыктеныт.
С.Носова.