АНОНС

Йошкар-Олаште Кугече ярминга эрта

15 апрельыште, Кугече деч варасе икымше рушарнян, Йошкар-Оласе Чарла кремльыште Йошкар-Ола да Марий епархий Кугече ярмиҥгам эртара. 

Руш кугыжанышыште тыгай ярмингам эше латнылымше курым мучаштак эртараш тӱҥалыныт. Чарла оласе рӱдӧ пазарыштат тудо гӱжлен. А икмыняр ий ончыч, тудын олмышто Чарла кремльым ыштымеке, Кугече ярмиҥгам эртарымаш угыч поро йӱлаш савырнен.

Ярминга латик шагатлан калык промысел сатум, православный литературым, кугече символикым ужалыме дене тӱҥалеш. Латкок шагатыште тудым Йошкар-Олан да Марий Элын митрополитше Иоанн почеш. Кавашке кӧгӧрчен-влакым колтат. Вара ярмиҥгам пайрем концерт шуя. Молгунамсе семынак «полевой кухньо» пашам ышташ тӱҥалеш. Пайремыш толшо-влакым тамле пучымыш да чай дене сийлат. А кум шагатлан оласе чыла черкыште чаҥым кыраш тӱҥалыт. Каласен кодыман: Кугече кечын гына кажне кумылан еҥ кеч-могай черкыште, чаҥым кырыме башньыш кӱзен, тидым ыштен кертеш.

С.Носова.

Опубликовать в Одноклассники

Добавить комментарий