КУЧЕМЫШТЕ

Йодмашым эшеат пеҥгыдемдыме

21 октябрьыште Марий Элым вуйлатыше Александр Евстифеев 30 октябрь гыч 7 ноябрь марте жапым пашам ыштыдыме кече-влак семын увертарен да «У коронавирус инфекцийын (COVID-19) шарлымыжлан кӧра Марий Эл кумдыкышто калыклан сай санитарно-эпидемиологический илышым ыштыме шотышто мере-влак нерген» указыш черетан вашталтыш-шамычым пуртен.

Документын у редакцийже дене келшышын, лӱдыкшыдымылык мере-влакым регионысо калыкын тазалыкшым арален кодымо шонымаш дене пеҥгыдемдыме. 30 октябрь гыч 7 ноябрь йотке Марий Элыште кугыжаныш тӧнеж ден здравоохранений ден культурын муниципальный тӧнежлашт гына ончычсо радамышт денак пашам ыштат.

У указ дене келшышын, Марий Элыште тымарте пуртымо нине чарак-влак вийыште кодыт:

  • у коронавирус инфекций шарлымылан кӧра утларак ямде улмо режимым 1 декабрь марте палемдыме;
  • публичный, ончыктымо, кандарыме, веселаҥдыме, сотемдарыме, ончер, рекламе шотан да шуко еҥым иквереш чумырышо мероприятий-влакым калык деч посна эртараш пеҥгыдемдыме;
  • еҥ-влак шӱлымӧ органым аралыше средствыла дене пайдаланышаш да социальный дистанцийым эскерышаш улыт;
  • 22 октябрь гыч 18 ияш марте ийготан-влак деч моло еҥым вакцинацийым эртыме але черым чытен лекме нерген QR-код (12 тылзе вийыште), але таза улмым пеҥгыдемдыше ПЦР-тест нерген справке (72 шагат вийыште), але эрелан пуымо медотвод деч посна рестораныш, кафеш, кочмыверыш, барыш, буфетыш, пурлмыверыш да общепитын моло предприятийышкыже, тӱвыра организацийлашке: театрыш, филармонийыш, концерт залыш, кинотеатр ден кинозалыш, спорт да фитнес-рӱдерлашке, ийме бассейныш пурташ чарыме;

Указын у редакцийже дене эше тыгай чарак-шамычым пуртымо:

  • 1 ноябрь гыч 18 ияш марте ийготан-влак деч моло еҥым вакцинацийым эртыме але черым чытен лекме нерген QR-код (12 тылзе вийыште), але таза улмым пеҥгыдемдыше ПЦР-тест нерген справке (72 шагат вийыште), але эрелан пуымо медотвод деч посна 400 кв.м деч кугурак кумдыкышто продовольственный огыл сатум розницыш ужалыме залыш, тыгак сатулымо да сатулымо-веселаҥдыме рӱдерлаш (комплекслаш), быт услугым пуышо организацийыш, моторлык салоныш, страховой услугым пуышо, автомашинам ужалыше организацийлаш, музей, библиотеке, клуб шотан тӱвыра тӧнежлаш (клубыш,  тӱвыра пӧрт ден полатыш, калык усталык пӧртыш), автотранспорт средстве водительым ямдылыме организацийыш, сонар да сонарлыме поянлыкым аралыме аланыште услугым пуышо организацийыш, туроператор да турагент организацийлаш, парим ышташ полшышо организацийыш, спортсмен-влакым тренироватлыше организацийыш пурташ чарыме;
  • организаций-влак калыкым объектыш терген пуртымо да тушто улшо еҥ-влакым тергыме пашам организоватлышаш улыт. Организацийын пашаеҥже гражданинын ончыктымо QR-кодшын (документшын) чынлыкшым, тушто ончыктымо уверын тиде еҥ дене кылдалтмыжым тергышаш.

Марий Эл Республикым вуйлатышын организаций да аналитике виктемжын уверже негызеш М.ИВАНОВА ямдылен

Опубликовать в Одноклассники

Добавить комментарий