«Здравоохранений» национальный проектын «Первичный медико-санитарный полышым пуымо системым вияҥдымаш» регионысо проектшым илышыш пуртымо кышкарыште республикысе медицине организаций-шамычын конкурент процедурым эртарымышт деч вара Марий Элыште фельдшер-акушер пункт-влакым чоҥаш 14 кугыжаныш контрактым ыштыме.
Кызыт куд районысо индеш объектыште чоҥымо да монтаж паша кая. Тиде – Волжский районысо Усола Корамас, Пӱнчысола да Пӧртанур яллаште, Курыкмарий районысо Ӓвӓсир ялыште, Марий Турек районысо Марий Пыламарий ялыште, Медведево районысо Арбан да Кугу Ноля яллаште, Шернур районысо Аҥанур ялыште да Зашижемье селаште.
2020 ий мучаш марте республикысе кандаш районышто 17 ФАП-ым чоҥаш палемдыме.
Кызыт фельдшер-акушер пунктлашке мебельым конден шындаш контрактым ышташлан конкурент процедур-влак эртат.
2020 ийыште «Первичный медико-санитарный полышым пуымо системым вияҥдымаш» региональный проектым илышыш пурташ чылаже 153,1 млн. теҥгем ойырымо, тышечын 106,7 млн. теҥгежым федеральный бюджет колтен.
М.ИВАНОВА
