ТАЗАЛЫК

Цифр кечын вашталтеш

Марий Элын Тазалыкым аралыме министерствыжын 14 январь эрдене увертарымыж почеш, пытартыш суткаште регионнан больницылаж гыч паремше 76 пациентым мӧҥгӧ колтымо, тыгодымак 66 черлым эмлалташ пыштыме. Тыге, теҥгече эрдене республикнан 10 инфекционный стационарыштыже медик-шамыч 924 еҥым у коронавирус инфекций да пневмоний деч эмленыт. Тиде чот гыч 141пациент неле состоянийыште лийын, 29 черле шодым искусственно вентилироватлыме йӧн дене шӱлен, 418 пациентлан кислород кӱлын.
«Коронавирус: статистика» сайтын 14 январь кечывалым палдарымыж гыч, пытартыш суткаште Российыште COVID-19 дене 24763 еҥ инфицироватлалтын, Марий Элыште – 48. Тыге, пандемий пагытыште регионыштына у коронавирус инфекций дене чылаже 9883 еҥ черланен, 135 пациент колен.
Газетнан таҥже-влак, аралыза шкендам да лишыл еҥда-шамычым: эпидемий ваштареш виктаралтше темлымаш-шамычым кӱлынак шуктыза, коронавирус деч прививкым ыштыктыза!

М.ИВАНОВА

Опубликовать в Одноклассники

Добавить комментарий