АКЦИЙ КОНКУРСЫ

Иле, чодыра!

Шукерте огыл Марий Элын Пӱртӱс поянлык, экологий да йырым-йырысе средам аралыме министерствыжын пашаеҥже-влак «Ару чодыра» эко-акцийыш ушненыт.

Тудым Регион-влак кокласе экологический инициативе фонд эртарен. А полышым «Простая еда» кулинар-маркет сеть, 1-ше №-ан кинде завод пуэныт. Акцийыш Йошкар-Олаште илыше 30 наре еҥ ушнен. Нуным чодырашке транспорт дене наҥгаеныт да конденыт, кажныжлан перчаткым, банданым ойыреныт. Чылаже 115 мешак торым погымо да Оршанке районысо Кучко селасе свалкыш колтымо. Акцийыш ушнышо-влаклан варажым шере пӧлек ден шарнаш кодшо сувенирым кучыктеныт.

Мероприятий жапыштак чодыра лоҥгашке икмыняр вере экологий тематикан икмыняр стендым вераҥденыт. Эшежым канаш толшо-шамычлан почешышт кодшо шӱкшакым погаш да свалкыш наҥгаяш йӧнан лийже манын, стенд пеленак мешак-влакым келыштарыман оборудованийым пижыктеныт.

С.НОСОВА

Опубликовать в Одноклассники

Добавить комментарий