26-28 майыште Самырык-влакым военно-патриотический шӱлышеш шуарен куштымо «Авангард» рӱдерыште шке кумылын поро пашаш ушнышо-влак вашлиялтыныт.
«Поро школ. Университет» проект Россий мучко 15 вере илышыш шыҥдаралтын. Марий кундемыште волонтёр паша дене кылым кучышо шӱдӧ ӱдыр-рвезе «Авангардыште» погынен. Участник-влак тернинглам эртареныт, лекцийлаш коштыныт, уш-акылым тергыше модыш дене модыныт. Сомылышт дене кылдалтше киномат онченыт. Икманаш – мероприятий тӱвыргӧ лийын.
Тӱрлӧ аланыште тыршыше волонтёр-влакым ты кечылаште ик шонымаш ушен: республикыштына добровольческий пашам вияҥден колташ.
О.МОШКИНА