Медведево районысо Арбан ял клуб пелен коло утла ий калык театр пашам ыштыме нерген газетыштына возенна ыле.
Ты театрын ик артистше – Йошкар-Ола гыч Геннадий Сидоркин. Геннадий изиж годсекак мыскара кумылан, весела койыш-шоктышан улмыж дене ойыртемалтеш. Сандене тудо Арбан калык театрыш уло кумылын коштеш да оҥай рольжо-влак дене калыкым куандара. Адакшым тудлан Российын сулло, Марий Элын калык артистше Маргарита Медикова дене пырля пашам ышташ келша.
— Маргарита Егоровна — талантан актрисе веле огыл, уста режиссёр, сай туныктышо, — манеш Арбан театрын артистше Г.Сидоркин.
А.Байкова.
