УВЕР ЙОГЫН

Звенигово районысо библиотекыште книгам утларак лудаш кумылаҥдыше йӧн-влакым кучылтыт

Звенигово районысо Юлъял библиотекыште йоча ден кугыеҥ-шамычлан  книгам утларак лудаш кумылаҥдыме оҥай йӧн-влакым шонен муыныт.  

Мутлан, шукерте огыл ӱдыр-рвезе-влаклан кулинар мастер-классым эртареныт. Тушто икшыве-шамыч тыглай, но моткочак тамле салатым ышташ тунемыныт.

Вес йӧнжӧ «Книгагудын лачка корзиҥгаже» маналтеш. Тудын дене келшышын, кеч-могай лудшо корзиҥгашке пыштыме кампеткым кочкын кертеш. Но тидлан эн ончычак тӱрлӧ произведений-влак дене кылдалтше йодышлан але туштылан гына чын вашештыман. Йодыш нелыла чучеш гын, книга  полша. Лудшо-влак кокла гыч кеч-кӧ кажне кечын ик йодышлан вашештен кертеш.

Л.Камалетдинова.

Опубликовать в Одноклассники

Добавить комментарий