УВЕР ЙОГЫН

Кузе шонен, туге ыштыктен

«1 PASMI.RU» коррупций ваштареш шогышо портал Йошкар-Оласе коммерсант-влакын правам аралыше органлашке йодмаш-влакым колтымышт нерген палдара. Тушто Марий Элын ончычсо вуйлатышыже Леонид Маркеловын аффилироватлыме фирме-влаклан кугыжаныш подряд олмеш окса полышым пуымо схеме-влак нерген ойлалтеш. 

Коммерсант-влакын мутышт почеш, тиде схеме тудлан пайдам налаш да рӱдолам вашталташ полшен.

Мутлан, «Маригражданстрой» фирмын генеральный директоржо Геннадий Александров генеральный прокуратурыш да Российын следствий комитетышкыже колтымо ик йодмаштыже возен: госконтракт-влак дене пырля Леонид Маркелов «ТК «12 регион» фирме дене строительный подряд ойпидышым ышташ кӱштен.

Документ дене келшышын, «Архангельский слободашке» пурышо 11 объектым чоҥышаш улыт улмаш. Чыла гаяк оралтым леведыш йымаке пуртымешке, «ТК «12 регион» фирме пашам приниматлыме актым 3 тылзе подписатлен огыл. А тылеч вара республик вуйлатыше тӱрыс пашам иземдыме,  0,4 коэффициент дене, приниматлаш кӱштен. Тиде амал дене „Маригражданстрой“  ОАО-лан тиде частный чоҥымашлан 39,9 млн теҥге шке оксажым кучылташ пернен.

Чоҥен пытарымеке, зданий-влакым вес фирме ӱмбаке — «Воскресенский парк» ООО-лан (учредительже Татьяна Маркелова) – возыктеныт.

 «1 PASMI.RU» порталын увертарымыж почеш, тыгай случай лу дене уло. Икмынярже Марий Элын ончычсо вуйлатышыжын делаштыже у ужаш лийын кертыт.

Л.Камалетдинова.

Опубликовать в Одноклассники

Добавить комментарий