Марий Элысе призывной комиссий-влакын делегацийышт кодшо кечылаште Звенигово олашке чумыргеныт. Тушто нуно иструкций ден методике сборышто лийыныт. Тудым Марий Эл правительстве председательын алмаштышыже Степан Воронцов вуйлатен.
Сборым торжественно почмаште Звенигово оласе 3-шо номеран школын барабанщице-влак отрядше ден Звениговысо лицейын кадетше-шамыч лийыныт.
Тиде мероприятийыш тыгак прокуратур, следствий комитет, Элкӧргӧ паша, Образований да науко, Тазалыкым аралыме, Самырык-влакын политикышт, спорт да туризм министерствыла гыч пашаеҥ-влак толыныт. 2017 ийыште военный службыш рвезе-влакым ямдылыме да призыв кузе эртыме нерген иктешлымаш дене республикын военный комиссарже Сергей Сидоркин палдарен.
Пленарный заседаний мучашлалтмеке, сборын участникше-влак Вич Геройлан стелле деке пеледышым пыштеныт.
Л.Камалетдинова.