Шорык
Тиде арнян шинчымашым налме дене кылдалтше, тыгак юридический йодыш-влакым рашемдаш темлалтеш. Ала-кӧ ондак вашлиялтше чаракым кызыт сеҥен, экзаменым сайын кучен, южышт келшыше еҥыштын кумылыштым шке велышкышт савырен кертыт.
Презе
Нине кечылаште вучыдымо увер але ситуаций илышдам кенета вашталта. Усталык дене кылдалтше пашам шуктеда гын, арня лектышан лиеш. Кугу оксам ыштен налаш йӧн пуалтеш. Шонымашда шукталтеш. Йӧратыме еҥлан кугурак тӱткышым ойырыза.
Йыгыр
Кызыт ончыкылык илышдалан негыз ышталтеш. Тиде арням пайдалын эртараш темлалтеш, тунам шушаш идалыкда тыгаяк лиеш. Нелылыкыш логалыда гын, тушеч лекташ у палымыда-влак полшат. Тазалыклан тӱткышым ойырыман. Оксада ешаралтеш.
Рак
Депрессий авалтыме деч эн сай йӧн тыланда каныш лиеш. Жапым мыняр веселанрак эртареда, тунар тазалыкда пеҥгыдемеш. Тиде арнян ала-могай кугу пашам ышташ палемдыман огыл. Шке погым аралыман, уке гын шолыштын кертыт але иктаж азап лиеш.
Лев
Те иктаж-кушто иктаж-мом модын налыда але пашаштыда премийым пуат. Ондак ыштыме йоҥылышдам аклен ончалза. Вучыдымо увер илышдам вашталтен кертеш. Илышым эшеат саемдаш, шукертсе шонымашым шукташ йӧн лектеш.
Ӱдыр
Нине кечылаште иктынат ойжым ида колышт, уке гын ударак веле лиеш. Кеч-момат шке шонымыда семын ыштыза. Тидлан верчын лишыл еҥда-влак дене сырымашкат шуын кертыда, но вес семын тетла огеш лий. Окса роскотыш пуреда.
Виса
Тиде пагыт илышдам вашталтен кертеш, сандене ямде лийза. Ончыч ыштыме планда шукталтеш. Ешыштыда, поснак шӱмбелда дене. кыл саемеш. Нунын дене шукырак жапым пырля эртараш тыршыза. Нигӧ денат кызыт ида вурседыл.
Скорпион
Ты пагытыште личный илышда шеҥгекрак шӱкалалтеш, ончыко пашада лектеш. Икшывыда-влак ден тендан коклаште умылыдымаш палдырнен кертеш. Тӱҥалме сомылым мучаш марте шуктыман. Тунам палымыда-влак ончылно чапда утларак кушкеш.
Пикшызе
Те кызыт шке вийлан ӱшаным, ончыкылык шотышто ласкалыкым шижыда. Ондак шукышт дене ӱчашенда гын, ынде вашкылым ыштеда. Шӱдыр-влак тыланда полшаш кумылан лийыт, сандене тӱҥалме кеч-могай у пашада ушна.
Ирказа
Тиде арнян нимо да нигӧ деч нимо шотыштат лӱдман огыл. Тыгодым еҥ-влак дене шкандат тыматлын койман, мутым кучышо улмым ончыктыман. Улшо ситуацийым аклен ончалаш жапым муаш тыршыман. У кылым ышташ келшен толеш.
Вӱд йоктарыше
Ужалыме-налме пашада лектышан лиеш. Еҥ-влак дене шкендам утыждене «мый кӧ улам!» маншыла ида кучо, уке гын тиде шкендан ваштарешак савырнен кертеш. Тиде арнян тошто таҥда шкеж нерген ушештара але у шӱмбелым вашлийыда.
Кол
Шӱдыр-влак воктеныда улшо еҥ-влакым аклен ончалаш темлат. Тыгодым нунын дене кылым вигак йӧршешлан кӱрлаш да мутланымым чарнаш ида вашке, уке гын йоҥылыш лийын кертыда. У еҥ-влак дене палыме лияш келшыше жап огыл.
Ӱпым пӱчкаш тарваненда гын
12 август. Таче ӱпым пӱчманат, чиялтыманат огыл, молан манаш гын иктаж чер авалтен кертеш.
13 август. Ӱпым пӱчкаш келшыше кече огыл, уке гын тазалыкда лунчырга. Ӱпым хна дене чиялтеда гын, пашаште чапда кушкеш, иммунитетда пеҥгыдемеш.
14 август. Тиде кечын ӱпым пӱчкыда гын, еҥ-влаклан утларак келшаш тӱҥалыда.Ӱпым чиялтыме деч вара вуйлатышыда дене кыл саемеш.
15 август. Ӱпым пӱчмылан кӧра роскотыш пурен кертыда. Ӱпым натуральный чия дене чиялтеда гын, тиде карьер тошкалтыш дене кӱзаш полша.
16 август. Ӱпым пӱчмӧ деч вара тӱжвал сында эшеат мотор лиеш, пиалан улмыдам утларак шижыда. Ӱпым чиялташ огеш темлалт.
17 август. Таче ӱпым пӱчкыда але чиялтеда гынат, оксада ешаралтеш.
18 август. Тиде кечын ӱпым пӱчмӧ деч вара тазалык тургыжландараш тӱҥал кертеш. Ӱпым натуральный чия дене шемалге тӱсыш гына чиялташ темлалтеш.
Л.Камалетдинова
